កិច្ចប្រជុំនេះមានការចូលរួមពី លោកនាយក នាយករងរដ្ឋបាលសាលាខណ្ឌ លោកអធិការរងនគរបាលខណ្ឌ លោកមេបញ្ជាការរងកងរាជអាវុធហត្ថខណ្ឌ ប្រធានការិយាល័យចំណុះរចនាសម្ព័ន្ធ នៃរដ្ឋបាលខណ្ឌ លោកចៅសង្កាត់ និងស្មៀនសង្កាត់ទាំង ៥ សរុបចំនួន ២៩ រូប។
គោលបំណងនៃកិច្ចប្រជុំគឺដើម្បីរៀបចំផែនការ និងជំរុញយុទ្ធនាការបរិច្ចាគឈាម ដែលនឹងប្រព្រឹត្តទៅនៅថ្ងៃទី១៤ ខែកុម្ភៈ ឆ្នាំ២០២៥ ដែលជាទិវានៃក្តីស្រលាញ់ សំដៅប្រមូលឈាមឱ្យបានគ្រប់គ្រាន់សម្រាប់ផ្គត់ផ្គង់ដល់មន្ទីរពេទ្យ និងជួយសង្គ្រោះអាយុជីវិតអ្នកជំងឺដែលត្រូវការឈាមជាចាំបាច់។
ក្នុងឱកាសនោះ លោក ឃន សុជាតិ បានលើកឡើងពីសារៈសំខាន់នៃការបរិច្ចាគឈាម និងអំពាវនាវដល់មន្ត្រីរាជការ កងកម្លាំងប្រដាប់អាវុធ និងប្រជាពលរដ្ឋទាំងអស់ក្នុងមូលដ្ឋានខណ្ឌជ្រោយចង្វារ ចូលរួមយ៉ាងសកម្មក្នុងយុទ្ធនាការនេះ។
គួរបញ្ជាក់ផងដែរថា យុទ្ធនាការបរិច្ចាគឈាម គឺជាសកម្មភាពមនុស្សធម៌ដ៏សំខាន់ ដែលបានរួមចំណែកយ៉ាងធំធេងក្នុងការជួយសង្គ្រោះជីវិតមនុស្ស។ រដ្ឋបាលខណ្ឌជ្រោយចង្វារ រំពឹងថា នឹងទទួលបានការចូលរួមយ៉ាងផុសផុលពីគ្រប់មជ្ឈដ្ឋាន ដើម្បីឱ្យយុទ្ធនាការនេះប្រព្រឹត្តទៅដោយជោគជ័យ។
