កាលពីរសៀលថ្ងៃពុធ ទី២៦ ខែមីនា ឆ្នាំ២០២៥ ក្រុមការងារប្រណាំងរទេះគោ និងក្របីនៃព្រឹត្តិការណ៍អង្គរសង្ក្រាន្ត បានសហការជាមួយសហព័ន្ធសេះ និងម្ចាស់សេះ ដើម្បីធ្វើការប្រណាំងសាកល្បង ជ្រើសរើស និងសម្រិតសម្រាំងយកពូជសេះល្អៗ ដែលមានល្បឿនលឿន ដើម្បីចូលរួមប្រណាំងក្នុងព្រឹត្តិការណ៍អង្គរសង្ក្រាន្តឆ្នាំ២០២៥ នាពេលខាងមុខនេះ។
ការប្រណាំងរទេះគោ ក្របី និងសេះ នឹងប្រព្រឹត្តទៅនៅបរិវេណតំបន់អង្គរឃ្យូងយូរ នៅថ្ងៃទី១៤ ១៥ និង១៦ ខែមេសា ដើម្បីបង្កើនទស្សនីយភាពសប្បាយរីករាយ និងភាពរំភើបជូនដល់បងប្អូនប្រជាពលរដ្ឋក្នុងឱកាសបុណ្យចូលឆ្នាំថ្មីប្រពៃណីជាតិ។
ការបន្ថែមកម្មវិធីប្រណាំងសេះនេះ គឺជាការខិតខំប្រឹងប្រែងរបស់ក្រុមការងាររៀបចំ ដើម្បីនាំមកនូវភាពថ្មី និងប្លែកដល់ព្រឹត្តិការណ៍អង្គរសង្ក្រាន្ត ដែលជាព្រឹត្តិការណ៍វប្បធម៌ដ៏សំខាន់របស់កម្ពុជា។
លើសពីនេះ ការប្រណាំងសេះនេះ ក៏ជាការបង្ហាញពីការគោរពដល់កីឡាប្រពៃណី និងជាការលើកទឹកចិត្តដល់យុវជនជំនាន់ក្រោយឱ្យចូលរួមក្នុងសកម្មភាពកីឡា។
ដូច្នេះ សូមបងប្អូនប្រជាពលរដ្ឋទាំងអស់ រង់ចាំទស្សនាការប្រណាំងរទេះគោ ក្របី និងសេះដ៏អស្ចារ្យក្នុងព្រឹត្តិការណ៍អង្គរសង្ក្រាន្ត ឆ្នាំ២០២៥ នាពេលខាងមុខនេះ។
